Auglýsingar…

Auglýsingar eru uppáhalds sjónsvarpsefnið mitt.
Eeeen nú er pottur brotinn.

Mér líður illa líkamlega þegar skrattans auglýsingin frá Símanum fyrir Kollekt birtist á skjánum.
Þessi með kettinum sem étur kallskrattann sem á það þó skilið að vera skitið, en hvað er þetta sem hoppar upp úr kettinum um leið og kallpungnum er kyngt?

Og hvað ? er framhald ? skurðaðgerð eða leitar hún bara í sandkassanum? Hver vill svo mígrótilla ? eða stækkar hann bara aftur við útgöngu ?

Fuss!

Mount Þvotterest og Bingi brók

Ég fjárfesti í þurrkara í gær. Já hún ég.
Er búin að vera með yfirlýsingar að svona dóterí sé nú algjör óþarfi, bara pjatt og prjál.
En ómægod hvað ég elska hann. Flaug meira að segja í gegnum hausinn á mér í morgun í smók að mig hlakkaði bara til að koma heim um kvöldið og fara að þvo þvott.
Held að svona geðveiki gerist bara einu sinni.

Talandi um smók, svoleiðis sóðaskapur er stór þáttur í þurrkarakaupum, granninn reykir heldur mikið og mér finnst handklæði sem anga eins og nýkomin af tjúttinu fyrir 1. júní 2007 ekki girnó.

~

Ég hélt að ég myndi aldrei aldrei aldrei segja þetta en það er bara gott að búa í Kópavogi.
Hvað ætli verði um Binga brók?

Að öðru hápólítisku máli.
Finnst að það þurfi að fara fram lagabreytingar þannig að þegar ráðamenn, annað hvort á þingi eða bæjar/borgarstjórnum svíkja lit, þá helst sætið innan flokksins en fer ekki með rassinum sem sest svo hinum megin við borðið.
Við kjósum jú flokka hér, ekki fólk.

Helvítis mogginn!

Ætli þeir séu að spara þarna upp á Hádegismóum og hafi rekið alla prófarkalesarana?
Nógu andskoti mikið kostar hádegismaturinn þeirra, það veit ég.

Rakst nefnilega á þessa frétt um uppáhaldið mitt hann Stephen Fry.

Í stuttu máli hljóðar hún svo, kappinn handleggsbrotnaði og kemur ekki aftur til vinnu fyrr en í lok árs.
“Búist er við því að leikarinn nái sér að fullu og verði kominn aftur til starfa fyrir lok þessa árs.”

Ég hef nú aldrei til mikillrar guðslukku handleggsbrotið mig, en svona af reynslu minni að dæma um þá sem hafa brotið útlim, þarf það að vera ansi meira til að vera í burt frá vinnu í næstum því ár.
Þannig að ég gúgglaði aðeins og fann frétt frá BBC.
Þar kemur fram að hann komi til vinnu seinna á árinu.

aaahhh aðeins betra.

Gleymi svo ekki fréttinni um heilabiluðu einstaklingana sem valsa um í kerfinu. Var einmitt að horfa á zombie mynd í gær, ætli blaðamaðurinn hafi líka verið að gera það.

Er svo ekki frá því að ástkæra ylhýra hjá undirritaðri hafi versnað til muna, og ég kenni Mogganum um.

Demókrati

85% Barack Obama
81% John Edwards
81% Hillary Clinton
79% Dennis Kucinich
79% Bill Richardson
77% Mike Gravel
77% Chris Dodd
74% Joe Biden
44% Rudy Giuliani
41% John McCain
32% Mitt Romney
29% Mike Huckabee
23% Ron Paul
21% Tom Tancredo
18% Fred Thompson

2008 Presidential Candidate Matching Quiz

Magnað hvað þetta er rosalega svart og hvítt þarna hjá þeim þarna út í BNA.

snýt og hnerr

Fékk alveg þessa fínu pest um helgina, skreiddist til vinnu í morgun með enn verri ljótu en fyrir próf í desember.
Vildi svo heppilega til að ég hafði fjárfest í DVD seríunni Kingdom Hospital sem er svona hálfgert hryllingsléttmeti frá Stephen King.
Þó þetta sé óttaleg froða, tekur á að horfa á þetta allt í beit. Eða það hlýtur að vera skýringin á viðbrögðum mínum.
Útskýri betur aðeins seinna.

Lilli bró fjárfesti um daginn í Robo mop, sem er svona kúla inn í öðru dóti, sem fer um allt og rykmoppar.
Svona Harlem útgáfa af Roombu.
Hann heldur virkilega að þessi fjárfesting geri hann stikkfrían af þrifum í framtíðinni. Mamma hlýtur að geta lamið smá vit inn í hann við næstu heimsókn. Aldrei að missa vonina.

Jæja, að loknu hryllingsfroðumaraþoninu sem haldið var inn í svefnherbergi, skreiddist ég út og hélt í áttina að stofunni, lilli bró biður mig að passa mig á moppuskaftinu sem hann var búinn að setja fyrir dyrnar. Já já segi ég bara í gegnun hnerra og hellur og eyrnaverkinn.
Kem inn og heyri svona frekar skrítið hljóð, eiginlega óútskýranlegt hljóð. Slökkt á sjónvarpinu þannig að hljóðið hlaut að vera í lappanum, lilli bró hlaut að hafa verið að horfa á eitthvað furðó, opna lappann og ekkert í gangi þar, í þeim töluðu/skrifuðu/hugsuðu hækkar allt í einu furðulega hljóðið og eitthvað kalt og loðið strýkst við nakinn fótinn á mér.
Það lá við að ég hefði hoppað út úr húðinni mér brá svo. Raddleysið bjargaði svo múrhúðinni á húsinu sem og rúðunum.

Fékk svo úr prófinu í dag og það fór nákvæmlega á þann hátt sem ég hélt. Fékk meira að segja meira en ég bjóst við, en ekki nógu gott til að fá stimpill á rassinn frá ráðuneytinu.
Jarða þetta á næsta ári og verð svo skipulögð að munnangrið vogar sér ekki að mæta á svæðið.
Já já… best að setja þetta í calanderið svo ég fatti þetta ekki degi fyrir próf, eins og mín væri von og vísa.

Hvunndagurinn tekinn við

Kom úr alveg ógurlega fínu jólafríi í gær.
Heimferðin var samt ekki skemmtileg, flugið tók helmingi lengri tíma en vant er og lendingin var ei skemmtileg. Ég varð meira að segja bara hrædd og fegin að fara heim í taxa, þar sem hnén á mér voru með styrk á við ofsoðið spagettí.

Þetta voru sannkölluð bókajól í ár og komu sex stykki bækur upp úr jólapökkunum, eitthvað var minna um sokka þetta árið. Held að fólk sé ekki að trúa mér þegar ég segist vilja fá skræpó sokka í jólagjöf.
Perlan gaf mér líka kærasta, þakka henni mikið vel fyrir það.
Ég á sumsé að setja hann í vatnsfötu og þá stækkar hann, hefur sína kosti, engar skítugar tuskur út um allt, einráð yfir sjónvarpinu, engar hrotur, ekkert nöldur yfir eyðslu í skó og stígvél. Gallar – óbrúkanlegur.
Kumraði eitthvað í pabba yfir honum, hann bað mig vinsamlegast að koma ekki nálægt salerninu með hann.
Dálaglegt ef hann hefði fengið sér sundsprett og dýfu, svo hefði pabbi þurft að útskýra stífluna sem svo að þetta væri tengdasonurinn þarna ofan í.

Námið er búið, eða þannig séð, efast stórlega að ég hafi náð einhverju þarna í síðasta prófinu.
Svitnaði, titraði, illt í maganum og hélt á tímabili að það myndi líða yfir mig. Öll vitneskja hvarf út í veður og vind. Mundi samt nákvæmlega á hvaða glósu svarið við spurningunni var. Viðbjóðslega ógeðslega svekkjandi.
En mikill léttir þegar ég var komin út, munnangrið var merkjanlega minna daginn eftir.
Spurning með sálfræðing fyrir næsta ár, eða pillur eða bara mæta drukkin í próf… meina… tala aldrei eins góða þýsku og á þriðja bjór… hvað þá eftir þrjá bjóra, hvítvínsflösku, gin í tónik og nokkur rauðvínsglös, þá kjaftar sko á mér hver tuska!