Kleppur góðan dag!

Jæja blessaða prófið var í kvöld.
Hefði alveg mátt ganga betur sko….. fraus, minnið flaug út um nasirnar á mér í einni snýtunni rétt fyrir prófið.
Minnið skall á með fullum krafti þegar ég lokaði á eftir mér hurðinni á leiðinni út úr prófinu. Alveg týpískt.
En svona er lífið. Ef illa fer, þá bara endurtektarpróf og þá á ég sko eftir að hrækja á það.

En að öðru skemmtilegu…
Er soldið búin að vera að leysa af á símanum núna í nokkrar mínútur á dag og ég er bara svei mér þá búin að sakna þess pínu.
Veit ekki hvað allir þessi nýju sölumenn halda þegar ég er búin að vera þarna í fimm og er farin að orga af hlátri bæði af minni eigin fyndni og fyndni allra yndislegu kúnnana.
Ligg svo í flisskasti þegar ég þarf að kalla á athygli kúnnana í símanun því þeir halda að ég sé símsvarinn.

Og bara þarna get ég komið með lélegasta brandara í heimi sem mér finnst samt alltaf svo fyndinn.
- Líkhús, niðursuðudeild.

Argh!

Ég er að fara í próf á morgun.
Ef ég hefði lesið svona mikið fyrir eitt skrattans próf á menntaskólaárunum hefði ég fengið allavega 12 minnsta kosti 11
En þar sem þetta er mitt fyrsta próf á háskólastigi er ég bara mjög pent orðað að skíta á mig.
Svo er ég mjög mikið í því að fresta….. alveg gólaði af kátínu liggur við þegar ég fékk boð á föstudagskvöldið um að fara í Þórsmörk á laugardaginn, en veðrið var ekki nógu gott. Ég varð eiginlega fyrir vonbrigðum þegar ég vaknaði á laugardagsmorgninum með enga þynnku, ég sem drakk mig staðfasta að herfilegri þynnku, (vorum að kveðja eina upp í vinnu) gróf meira að segja upp varabirgðir sem ég vissi af í einum skápnum. Svo er ég búin að fara soldið oftar en vanalega í sturtu núna um helgina, ekki af svita… bara gott að fara í sturtu. Þvottavélin hefur fengið mun meiri athygli þessa dagana en hún á að venjast. Ég eyddi rúmum klukkutíma í Bónus að finna einhvern óþarfa sem ég þarf ekkert á að halda og endaði auðvitað með helmingi feitari reikning við kassann.
Ég meira að segja eldaði ofan í mig núna í kvöld, allt til að sleppa við námsbækurnar.
Eldaði kjúkling í grænu karríi keyptu í Bónus. Rétturinn var algjör horbjóður, pantaði heimsent frá Krua Thai í staðinn.

Er svo að blogga núna, kílómeterslangt blogg um ekkert. Bara svo að ég fari nú ekki að lesa.

Fjandinn hafi það.

lítið nostalgíukast

Ég fékk gefins geisladisk um daginn. Svaka kát með það, ógurlega kát reyndar, eyddi einmitt miklum vökum í þennan mann sem á heiðurinn af þessum diski og drakk mikið kaffi í fyrra út af honum.
Langt síðan ég hef keypt mér geisladisk eða fengið svoleiðið.
Viðurkenni alveg að ég stel eins og ég get af netinu, nema þetta íslenska. Kaupi það yfirleitt og þá á netinu.

En ekta geisladisk í hulstri með umslagi og textum og fleira hef ég ekki haldið á lengi, fín tilfinning. Æðisleg slagsmálin við plastið utan um hulstrið, fannst frekar skrítið að horfa á diskinn og sjá ekki mína rithönd.

Æi…. svo varð ég fyrir vonbrigðum. Innihaldið var svo bara algert krapp.

Held bara áfram mínum stuldi.
Plast á milli tannana eftir slagsmál er ofmetið get ég sagt ykkur.

haha!

Rétt hjá vinnunni minni er svona vaxtarræktarbúlla sem selur duft og stuff.
Þegar ég var að koma úr bankanum um daginn, sá ég tvo mjög mjög útblásna stóra dúdda, svona sem geta ekki haldið á síma upp að eyranu á eðlilegan hátt og þurfa að færa einhvern útvaxinn múskla frá til að finna á sér sprellann.
Þeir voru að setjast inn í bíl með sitt duft. Bílavalið kom mér að vísu aðeins á óvart. Því þeir voru á Fiat Uno sem er svona | | mjór!
Þeir þurftu að skrúfa niður hliðarrúðurnar til þess að komast fyrir. Svo keyrðu þeir burt inn í sólarlagið með sitt duft og stuff með sitthvora öxlina út um hliðarrúðurnar.

Britain´s Got Talent

ó mæ hvað þetta er fyndið!

Það…

Það verður einhver að passa bílinn!

Gah!

Ég vissi ekki hvort ég ætti að frussa yfir sjónvarpsskjáinn eða grýta fjarstýringunni í gripinn.
Allaveganna fær þessi auglýsing mig ekki til að skipta um tryggingafélag.