Viltu kaupa páskasól!

Viltu kaupa páskasól
Viltu kaupa páskasól
það kostar ekki neitt að kaupana
viltu kaupa páska SÓÓÓÓL!

Djöfullinn hafi það, kom heim, fleygði mér upp í sófa, kveikti á imbanum og þetta helvíti er byrjað.
Núna verður þetta límt á heilann á mér næstu vikurnar!

Viltu kaupa páskasól
Viltu kaupa páskasól
það kostar ekki neitt að kaupana
viltu kaupa páska SÓÓÓÓL!

Ég skal sko reyna að taka sem flesta niður með mér!
Ég mun ekki þjást ein!

Viltu kaupa páskasól
Viltu kaupa páskasól
það kostar ekki neitt að kaupana
viltu kaupa páska SÓÓÓÓL!

Ýmislegt og fleira…

Í morgun var slétt vika þar til ég fer vestur.
Fer fljúgandi sem er bara æðis, það er ekkert svo langt síðan maður fannst mun ódýrara að keyra heldur en að fljúga, en það er það bara ekki. Bensín fram og til baka er c.a. 10.000 kr. Göngin eru 2.000 kr. og svo er alltaf stoppað í sjoppu og keypt sukk.
Fyrir utan það hve tíminn er dýrmætur, vibbi að sitja í bíl í sex til sjö tíma. Algjör sóun.

Ég er hætt upp í hæstu hæðum í vinnunni og komin á kunnulegri slóðir. Voða fegin, hef þó möguleika á að sjá dagsljósið á morgnana. En það er galli á öllu samt, þarf að drattast fyrr á fætur… og ó men ó men hvað það er erfitt. Var alveg nóg að mæta níu -ish.
Vinnan eftir hádegi er að drepa mig, eða var að drepa mig. Nú er ég hætt að spá í gömlum syndum, endurskoðandinn þarf bara að finna út úr þessu. En á tímabili var ég farin að spá hvað myndi nú gerast ef það myndi nú kvikna í blessuðu bókhaldinu og ég lummaði backup spólunum í vota gröf.

Ég er orðin ansi hrædd um að Grímur eigi eftir að verða það stór að það sé ekki lengur pláss fyrir mig í sófanum. Kisi er rétt fjögurra mánaða og er nú þegar orðin 2 kíló.
En kannski er ekkert að marka þetta, soddan dvergar þessar læður mínar.

Já og það eru þrjár vikur sléttar í Barcelona.
Ég er þegar farin að finna brunalykt af kreditkortinu.

ojbaraullabjakk

Hér á eftir koma mjög svo grafískar lýsingar.
Viðkvæmir beðnir að koma sér burt.

Ég fór í Hagkaup í dag, í Smáralind, hætti mér inn þrátt fyrir Tax free daga sem mér finnst vera prump. En að aðalmálinu.
Ég sá rass í dag.
Ég sumsé fór inn í kvennærfatadeildina í Hagkaup í dag til að skoða náttbuxur.
Þar sá ég rass.
Sá svo djúsí náttbuxur í síðasta bæklingi og hvers vegna ekki að kaupa þær á prump tax free dögum.
Já rassinn. Karlmannsrass. Ekki fagur, hálfur út úr gallabuxunum. Með bólur, loðinn og fölur og það var klósettpappírsklepri, ekki hvítur, þarna ofarlega í skorunni. Þessari loðnu, með öllum bólunum. Aldrei séð sólarljós. En jú flúorljós, í kvennærfatadeildinni í Hagkaup Smáralind við standinn með náttsloppunum á Tax free dögum.
En ekki halda að ég hafi starað á rassinn í lengri tíma með kjálkann á mér skröltandi um á gólfinu í forundran í lengri tíma. Það langan tíma eins og að taka eftir smáatriðum eins og klósettpappírsklepranum.
Nei nei… þetta var bara örskotsstund. Rétt smá. En það var nóg. Myndin var brennd inn í mín saklausu augu.
Svo hristi ég hausinn og kíkti aftur til að sjá hvort að þetta væri jafn hrikalegt og við fyrstu sýn. Jú jú… blasti við í allri sinni neonhvítri dýrð.
Rassinn talaði voða hátt í gemsann og spilaði sig stórann. Kannaðist við kauða. Gamall kærasti vinkonu minnar. Ég fór að spá hvort að ég ætti nú ekki að láta manninn vita að hann væri með hálfann rassinn út úr buxunum í miðri nærfatadeildinni.
En mig langar ekkert til að láta vita að hann sé með rassinn úti.
Hvernig er líka kurteisast að láta vita af svona hlutum.
Hann var líka með þetta “égerógeðslegamerkileguraðtalaháttígemsanníbúðinniattitjúd”.
Mikið svakalega var ég svo fegin þegar, líklegast kærastan hans, kom og reif upp um hann buxurnar þarna í miðri nærfatadeildinni.
Lét mig hverfa þarna. Hefði pottþétt gert eitthvað sem telst ekki vera kurteist. Eins og að míga á mig af hlátri.

Ætli viðeigandi etiquette upp á útlenskuna sé ekki bara að bróka svona menn.
Mín skoðun.

Æ já… engar náttbuxur.

Zero forleikur

Ég verð að tjá mig um þetta eins og fleiri.
Þessar auglýsingar komu til tals í vinnunni um daginn og einn sagði að ef það væri zero forleikur heima hjá honum væri sko bara zero kynlíf á boðstólum! Brjóstahaldarar með zero smellum. – Ég hef nú átt ófáa í gegnum tíðina, get líka eytt miklum tíma í því að skoða svoleiðis, hef þó aldrei séð brjóstahaldara með smellum.
Allaveganna ekki að virka á mig, zero kók zero á mitt heimili.

Annars er í fréttum að burrus fékk rasskell á laugardaginn. Greyið elskan hann lilli bró á bílnum. Hann heldur að bílarnir mínir séu persónulega á móti honum. Svona við fyrstu sýn þá sýndist mér að stuðarinn væri alveg ónýtur og þyrfti að sprauta bæði afturbrettin og hlerinn ónýtur. Djókaði í lilla bró að fyrst að hann var að þessu þá hefði hann bara átt að gera þetta almennilega, burri orðinn skítugur að innan, þannig að það væri bara fínt að fá nýjan. Djókið var kannski ekkert svo langt yfir markið, því að það er drusluhljóð í burra, þannig að honum var skellt á lyftu og kíkt undir gripinn. Gólfið er krumpað og bíllinn er hreinlega í döðlu. Pústið hefur skekkts aðeins, þess vegna drusluhljóð.
Held að ekkert tryggingarfélag vilj mín viðskipti á endanum.

mjá mjá…

Ég hélt alltaf að kettir væru bara kettir og ekki mikill kynjamunur, en vá hvað ég hafði rangt fyrir mér.
Ég hef átt tvær læður sem báðar hafa stjórnað heimilinu með dyntum, frekjuköstum en alveg ógurlegum sjarma inn á milli.
Dyntirnir: það sem var rosalega gott í gær er ekki nokkurri skepnu bjóðandi í dag. Besti vinurinn í dag er ekki einu sinni verðugur að berja hann augum á morgun.
Frekjuköstin voru spes fyrirbrigði og erfitt að útskýra þau fyrir þann sem ekki hefur lent í einu svoleiðis, en þegar þau byrjuðu var best að halda bara að sér höndum á meðan kötturinn skruppaðist horna og veggja á milli. Reyndi einu sinni að stoppa svona berserksgang af og gerði það ekki aftur. Scarred for life eftir þá reynslu.
Fressinn hefur ekki tekið eitt einasta frekjukast og samt er hann á gelgjunni núna. Greyið fer í snip snip eftir c.a. mánuð.
Ég þarf ekki að gera neitt nema að horfa á hann og þá er hann farinn að mala. Einu skiptið sem heyrist eitthvað í honum er þegar hann vill fá sinn mat. s.s. gúmmelaðið en ekki þurrmatinn. Hann er meira að segja búinn að fatta að það heyrist ógurlega hátt í undirskálinni þegar hún lemst við gólfið. Undirskálinn sem gúmmelaðið fer í, hann sumsé hamrar með loppunni á brúnina þar til honum er sinnt. Hef samt ekki látið á það reyna hvað gerist ef hann fær ekki kvöldmatinn sinn, hugsa að hann yrði bara sár.
Segi þetta gott í bili.
Kötturinn kallar. Núna vill hann fara að sofa.

Furðulegur andskoti…

Furðulegt já… það er ekki hægt annað en að hrista hausinn yfir sumu. Það er varla hægt að nöldra yfir svona hlutum. Varð svo ill í morgun að ég fékk næstum því blóðnasir.
En hér kemur þetta.

1. mars síðastliðin urðu fullt af breytingum á tollalögum og tollkódum. Ekki bara að því sem snýr að hinum margumtalaða virðisaukaskatti á matvælum, heldur var þetta miklu meira. t.d. voru undirritaðir þónokkuð margir fríverslunar samningar við hin ýmsustu lönd og má lesa um þetta hér http://tollur.is/displayer.asp?cat_id=2&module_id=220&element_id=3875 og hér http://www.utanrikisraduneyti.is/samningar/friverslunarsamningar/Undir/nr/365 og hef þið hafið enn meiri áhuga á því að hlutirnir sem verið er að flytja inn bera mikinn toll og vörugjöld er hægt að skoða það hér https://vefafgreidsla.tollur.is/tollalina/tav/ .
Fríverslunarsamningur þýðir að t.d.púströr frá Suður – Kóreu sem bar 15% almennan toll ber engann.

En svo fór ég að furða mig á því í morgun af hverju varahlutirnir sem ég var að tolla báru ekki þennan nýja fína núll toll heldur voru enn með 7.5% og 15% tolli, þannig að ég hafði samband við tollinn á fína vefspjallinu hjá þeim og spurði hverju sætti, og jú fékk að vita að tollur frá viðkomandi landi væri núll EF, já þarna kemur þetta blessaða EF, hluturinn kæmi beint frá viðkomandi landi.

Sumsé púströrið frá Suður-Kóreu kostar enn það sama og það gerði fyrir 1.mars þrátt fyrir þennan fríverslunarsamning af því að JÁ! af því að helvítis flugvélin með helvítis púströrið þarf að millilenda í Belgíu!

Ef þið kíkjið á hvaða lönd eru með fríverslunarsamning við Ísland (EFTA) er það sko andskotinn hafi það ekki mörg lönd sem ekki þurfa að millilenda né að stoppa í einhverri höfn áður en það er komið hingað á skerið.
Allir þessir fríverslunarsamningar líta mjög vel út á pappír, en svo þegar til kemur er ekkert að marka þá.

Ætli enginn spái í þessu?

Og svona í lokin. Vissuð þið að loftpúðar bera 15% vörugjöld ofan á allt annað. Loftpúðar hafa pottþétt bjargað einhverjum lífum hér á landi og samt er þetta flokkað sem lúxusvarningur.

Fuss..!