bull.is
iss… jæja… ég fór með vinnunni á jólahlaðborð á laugardaginn. Byrjuðum hérna upp í vinnu á fordrykk, þar sem sumir fengu sér aðeins of mikið… en ég passaði mig…
Hlaðborðið var bara fínt en ég og hin sem erum saman í staffastjórninni vorum orðnar pínu stressaðar þar sem mikið veikindi hrjáðu maka þeirra sem komu. Það endaði með því að kokkurinn sagði okkur að taka því rólega og gaf okkur eftir verðið til þeirra sem mættu ekki.
Laddi var með “sjów” og er óhætt að segja að kallinn hafi farið á kostum…! 
En þar sem hljómsveitin sem var þarna var … frómt frá sagt ömurleg, fórum við flest öll á Gaukinn.
Einhvern veginn byrjaði kvöldið ekki vel þar. Ég var klipin í rassinn á fyrstu tíu mínútunum. Andskotinn. Fór svo seinna á barinn og þar var einn sem ætlaði að vera svo góður að strjúka á mér hárið. Og helvítið festi puttana á sér í kollinum á mér. Djöfull..! Dúið farið til andskotans. Fór á dansgólfið til vinnufélaganna þar sem einn greip í trefilinn sem ég var með um hálsinn og togaði..! Hann var svo fullur að hann fattaði ekkert að hnúturinn var þannig að þegar togað var í hann þá hertist að hálsinum á mér. Á endanum voru tveir að reyna að losa hann af mér. Og tröðkuðu auðvitað alveg herfilega á tánum á mér. Ég rauk á barinn og fjárfesti mér í einum Breeser, sem að sjálfsögðu bætti ekkert skapið, þegar þarna var komið var kvöldið ónýtt, mér var orðið illt í maganum og skapið ekki upp á sitt besta. Þannig að ég spæsti á mig leigara og hundskaðist heim um tvöleytið.
Ótrúlegt en satt, þá var ég ekkert þunn á sunnudaginn. Það eina sem hrjáði mig var marin stóra tá og feitt rautt kyrkingarfar á hálsinum á mér. Pirr…
