Það er eiginlega of mikið að gera þessa vikuna.
Bara kvart sko…!
Dagurinn í gær var svaðalegur…
Veikindi og frí þannig að ég var allt í einu í þeirri stöðu að þurfa að vera á þremur stöðum í einu.
Tollurinn, síminn og fara í bæinn með pappíra.
Tollurinn var að mestu gerður á símanum. Vonandi verða engar villur *krossa putta* *krossa putta*
Svo fór ég í bæinn með 32 bílaleigubíla sem eru bara pain in þe bött sko. En gaman samt að því að fylgja þeim úr hlaði frá a til ö.
Enn ég var gjörsamlega að kafna úr stressi í gær og sömuleiðis sá sem er yfir á standsetningunni.
Við ætluðum bæði að fá okkur bjór í gærkvöldi en samkvæmt samræðum í dag sofnuðum við bæði í sófanum, nenntum einfaldlega ekki að opna ísskápshurðina, ljótt það….
Dagurinn í dag var bara svona melló…. en þarf samt enn að klóna mig… staflarnir hækka og hækka og hækka á helvítis skrifborðinu. Ætla upp og massa þá á eftir!
En ég lenti í einum geðveikum í dag… það er einhver búð eða eitthvað við hliðina á Bíll.is upp á Höfða. Þurfti að fá eina undirskrift þar… en það voru enginn stæði laus nema þau sem voru merkt Hagi ehf. Þannig að ég lagði bara þar… stökk inn í tvær mínútur og fékk mínar undirskrift og hljóp aftur út.
Þar við bílinn stóð spikfeitt karlkvikindi sem öskraði á mig.
-Ég ætla bara að láta þig vita að þetta er merkt stæði og ég vil aldrei sjá þig aftur í því vinan.
Og svo dúndraði hann hnefanum í húddið. !!!!
Ég átti bara ekki orð… sagði ekki neitt… opnaði bílinn, teygði mig í símann og fór í það að grandskoða húddið. Og fituhlunkurinn enn yfir mér titrandi af reiði.
Ég tjáði honum pollróleg að ef ég hefði séð eina smá rispu á húddinum hefði ég kallað á lögregluna og gjörsamlega negldi hann með illa augnaráðinu. Þessu sem er mjög sjaldan notað.
Settist inn í bíl og tók mér góðann tíma í því að koma skjölunum fyrir.
Ég byrjaði svo að titra eins og andskotinn þegar ég var komin út af stæðinu.
Ég veit ekki hvað ég hefði samt gert ef hann hefði dældað bílinn… hvað þá ef þetta hefði verið burrussinn minn..!
