jæja….
Ef þið hringið upp í vinnu núna um helgina… heyrið þið í frekar bældri símsvararrödd…
Það er af því að töllusveppur tók fyrir mig Fame lagið án hljóðs og með tilheyrandi dansi og fínheitum.
En ef hlustað er grannt þá er aldrei að vita að það heyrist “FAME!!!” hvíslað frekar hátt, hann var aðeins að missa sig þarna. Svo sprakk ég auðvitað úr hlátri sekúndubroti eftir að ég lagði á. Sjálfstjórnin var alveg í toppi þarna.
Það er komið sumar…!
Ákvað því að svissa yfir í aðeins sumarlegra lúkk.
Fiff og lagfæringar fara fram á næstunni.
Þarf að losna við auglýsingabannerinn og koma kommentakerfinu og archives upp.
Síminn minn er í einhverju fjandans fokki.
Glopraði honum úr höndunum um daginn og hann er ekki búinn að vera þægur síðann.
Þegar fallið mikla átti sér stað, þá varð ég sambandslaus við umheiminn á vondum tíma. Á djamminu og vinirnir voru á öðrum stað en ég. Takkinn til að svara virkaði ekki og efstu þrír. Það var svaða súrt, þegar hringt var í mig, að hamast á græna takkanum og ekkert gerðist. En ég gat sent sms… en vægast sagt furðuleg. Það eru alveg ótrúlega mörg orð í íslenskunni sem er með abc def… en öööö kannski ekki c… en jæja.
Takkarnir eru komnir í lag… en helvítið er samt ekki í lagi… er einhver hringir í mig þá fær hann allt til baka, sem er víst ekki þægilegt. En þetta pirrar mig nú svosum ekki neitt.
En svo dreymdi mig ljótann draum í nótt. Mamma neitaði að tala við í þessum ljóta síma.
Sá einn á tilboði á svona léttgreiðslum til 12 mánaða.
Vil ekki hætta á það að móðir mín neiti að tala við mig…
Alltaf finnur maður eitthvað skemmtilegt hjá Erlu perlu.
Þetta er svona Star Estimator
rosa sniðugt…
Ég er sumsé lík einhverri gellu sem ég veit ekki hver er
Ekki var þetta þetta slæmt
hmmmmmm…….
vívíví…
Okkur systkinunum er boðið í grill á eftir. Afmælisbarn mánaðarins ætlar að vígja grillið sem hann fékk í gjöf…
ummm… vonandi verður boðið upp á grillaða banana með einhverju sveittu í miðjunni í eftirrétt.
Annars er að frétta af lífinu í höllinni að krúsíkisan mín hefur aldeilis lent í einhverjum sjarmörnum. (usss þessir karlmenn) en af því að hún fær samviskusamlega sína getnaðarvarnarpillu þá hefur hún líklegast ekki sýnt neinn áhuga… þannig að hún var bitinn í rassinn og það nokkrum sinnum og svo hefur komið sýking í þetta.
Lilli bró fór með hana til dýra þar sem lappað var upp á hana… og greyið slagaði um eins og það thja… versti róni í gær út af deyfingunni.
Horfði svo á Butterfly Effect í gær sem kom svona rosalega skemmtilega á óvart. Ashton Kutcher kom barasta held ég aldrei með Kelso takta.
****/*****
Æi Greyið..!
Fór á Subway í hádó og fyrir framan mig í röðinni var drengur einn sem var með mér í bekk í grunnskóla.
Þessi ákveðni ungi maður hefur alltaf verið hálfgerður vindbelgur og mikið fyrir að spila sig miklu stærri heldur en hann er…
samtalið var einhvern veginn svona:
-Blessaður, langt síðan ég hef séð þig.
–Bleeesssuð! sömuleiðis, hvað er verið að gera?
(gjóar augunum í flíspeysuna)Já! Ertu að vinna þarna?
-já einmitt.
–Ég er bara að vinna hjá honum pabba og sollis
- já ókei
–Svo voru síðustu prófin að klárast hjá mér.
-Æðislegt, í hvaða skóla ertu?
–Tækniháskólanum. Rosa félagslíf þar maður! Var líka kosinn formaður nemendafélagsins núna.
-uuuu…. nú? var það sumsé ekki Davíð eða Ásgeir? (Mundi ekki nafnið,vissi að það var ekki hann)
Heyrðu..! Hann flúðu med det samme af svæðinu. Fínt. Þurfti ekki að bíða eins lengi í röð þá.
En kommon..! Þetta er allt of lítið land til að standa í einhverju svona bulli.
Pepsi Max
Þessi drykkur er búinn að vera til heima hjá mér í nokkra daga og svo var hann á boðstólum hérna upp í vinnu í gær… þannig að ég hef ekki smakkað ekta kók í tja… nokkra daga… og ég er farin að finna fyrir fráhvarfi…
ekki er það koffein því að það er nóg af því í pepsi sko… þannig að þetta hlýtur að vera sykurinn.
Ætli ég geti haldið þetta út aðeins lengur…?
Og já…
ég er búin að komast að því hvað er horbjóðslegra heldur en blöðrur og blautir ullarvettlingar kjamsi hljóð.
að þvo sér um hárið með stóran skurð á fingurgóminum… bjakk….
*hrollur* -vibbi- *ógeð*
Var ég búin að segja frá því að ég er með fóbíu gagnvart blöðrum..!
Algjöra..! ég er að meina þetta… mér finnst blöðrur álíka hræðilegar og þegar ég sé lítil börn japla á blautum ullarvettlingum… jömmííí….
En málið er að það verður hátíð fyrir starfsmenn um helgina og það var búið að redda shitlóds af blöðrum frá einum bankanum. Og ég var sett í blöðrumálin af því að ég var til í að klára þetta eftir vinnu.
Mér fannst ég persónulega vera mjög svo hugrökk… ég hefði ekkið beðið hvern sem er um að moka út kóngulóm eða eikkva.
En svo fór ég núna inn á verkstæði rétt um fimm með blöðrupokann þannig að ég gæti fengið stút í loftdæluna áður en allir færu. Mér var kennt á dæmið og nokkrar blöðrur blásnar og auðvitað sprungu tvær framan í mig….
En svo þóttist ég þurfa svo agalega að fara aftur á símann… þráðlausi ekki að virka og bladeblí bla…
ætlaði bara að klára dæmið í friði þegar allir væru farnir og eiga ekki á hættu að einhver færi að hlæja þegar píkuskrækirnir slyppu … ekki ef, þegar…
Svo voru þeir að hringja í mig þessar elskur á verkstæðinu… þá voru þeir bara búnir að þessu fyrir mig..!
Og ég þarf ekki að hafa martraðir næstu vikuna yfir blöðru dauðans sem er á leiðinni til að bíta mig í rassinn.
Ef ég væri húsleg þá myndi ég baka köku fyrir þá..!
Fékk fólk sér heimskukorn í morgunmat í staðinn fyrir gamla góða kornfleksið..??!!?
Urr….
Bjórinn sem er inn í skáp verður brúkaður í kvöld.
Fór á Van Helsing í gær.
Það var nú meiri helvítis drullan.
Þurfti sem betur fer ekki að borga. Erla bauð mér í bíó. Var með frímiða. Einn af milljón só far *öfund*
Af mér er að frétta að loksins loksins tókst mér að ná kalkógeðinu sem er búið að vera gróið við vaskinn inn á baði síðan ég flutti inn… Hef nokkrum sinnum tekið dágóðar rispur á helvítið og einu sinni sat ég með hníf og skrapaði. En núna tókst það með hjálp allra hreinsiefna í húsinu, brúnsápa, Mister Propre með sítrónuilmi, klósetthreinsifroða með sjávarilmi, uppþvottalögur með eplalykt, þetta var látið liggja í tuttugu mín. og svo réðst ég á kvikindið með stálull með svona bleikri sápu inn í og þetta fór svona ljúflega eftir smá hamagang, en hanskarnir sem ég var í urðu vægast sagt furðulegir…
hmmm….
Ætli ég hefði sprengt draslið í loft upp ef ég hefði frussað rúðuúða yfir efnakokteilinn í vaskinum..???
 | Lilja við júre bjútífúl its trú |
 | Marín við júre bjútífúl its trú |
| Lilja við Hí á … |
 | Ragnheiður við Hí á … |
| Lilja við Hí á … |
Knúið af WordPress.com
