Það á ekki af mér að ganga þessa dagana..! Há…

Það á ekki af mér að ganga þessa dagana..!

Hárlitunarslys og ljósabekkjaslys, það þriðja hékk yfir hausnum á mér og skall á í morgun.

Ég fór sumsé í klippingu í morgun á Hár og snyrtistofuna Ónix, ég ætlaði bara aðeins að láta laga, halda í síddina og svona, bara aðeins að snyrta, þið skiljið.

Ég er niðursokkin í Séð & Heyrt, stórskemmtileg frásögn þar af Fjölni þar sem hann beilar á einhverjar fjósakellingar sem voru víst búnar að hlakka agalega til að sjá hönkið mjólka bert að ofan, og homminn sem er að klippa mig snýst í kringum mig með sérlega kvenlegum mjaðmahreyfingum. Yfirleitt treysti ég nú þeim sem er að vinna á svona stöðum fullkomlega fyrir kollinum á mér. Þannig að ég get nú bara slappað af með nýjustu kjaftablöðin, en áfram með söguna…!

Ég lít í spegilinn og sé hárið á helvítis mömmunni í Brady Bunch. Svona sveppur að ofan og tjásudruslur að neðan. Mér bregður svo agalega að ég get ekki sagt neitt. Svo verð ég rauð í framan og fæ tár í augun og rétt get komið út úr mér í gegnum kökkinn í hálsinum hvort að hann ætli í alvörunni að láta mig fara svona út…?!?! Hann sperrir sig allann og segir með ýktum besserwisser tón að þetta sé svooo mikið í tísku núna… og hárið á mér hafi hvort eð er verið orðið svo þurrt og ógeðslegt þar sem hann klippti mig. Þetta helvítis gerpi heitir Haffi held ég. Hann reyndi eitthvað að laga, en ég verð líklegast að blása það og ýfa það alveg ferlega mikið á morgnana svo að það verði boðlegt í mínum augum.

Og já ég fór næstum því að grenja þegar ég sá mig í baksýnispeglinum á leiðinni uppeftir.

Ég er líka svo mikið fífl að ég borgaði honum líka.

Ég á soldið bágt núna. Ég skrapp í ljós í gær…

Ég á soldið bágt núna.

Ég skrapp í ljós í gær því mér fannst skankarnir á mér vera orðnir sjálflýsandi.

Ég er svooo brunnin og á ógisslega bágt. Skrapp til Erlu perlu eins og gangandi tískuslys, í niðurmjóum rauðköflóttum náttbuxum og flíspeysu sem ég reif undan kettinum. Glæsileg í meira lagi, eins gott að ég hitti engann á leiðinni…! En Erla perla átti eins og alltaf nóg af samúð, aloa vera krem og öskubakka sem er brúkaður.

Leit svo í spegil í morgun og þá var ég orðin röndótt..! Eitthvað mis perurnar þarna hjá þeim í Bliss.

Svo fannst mér alveg ferlegt að fyrst að það hafði nú snjóað á annað borð að það skildi ekki vera almennilegur skafl fyrir mig til að setjast í.

tssssssssss………

En það á alltaf að líta á björtu hliðarnar ekki satt..!

Ég fann not fyrir huuugeee skærbleiku Artic Cat naríurnar sem strákarnir í búðinni gáfu mér og aloa vera jógúrtógeðið sem var að klára lífdaga sína inn í ísskáp, endaði útvortis.

Og já… ég fékk þrjár freknur, eina á hægri kinnina og tvær á þá vinstri.

Þrautakeppnin okkar upp í vinnu hófst í dag með gl…

Þrautakeppnin okkar upp í vinnu hófst í dag með glæsibrag.

Hún fer þannig fram að keppendur þurfast að rogast með eitt stykki gínu sem er afar fáklædd og leysa hinar ýmsu þrautir.

Það var vægast sagt óborganlegt að fylgjast með þeim rogast með gínuna á milli bílanna og greyið kannski komið í þrjá parta.

Svo er gínugreyið geymt á bak við skilrúm sem er fyrir aftan mig. Sölukallarnar eru allir búnir að koma með sama brandarann í dag.

-Ragnheiður! Það er nakinn dónaperri á bak við þig!

haha

En best fannst mér samt þegar stjórnarformaðurinn kom, ræskti sig soldið duglega, hallaði sér að mér með þungum áhyggjusvip.

–Ragnheiður! það er mjög fátæklega klætt greyið hérna fyrir aftan þig.

Æði spæði..! Það er búið að finna formúlu fyrir…

Æði spæði..!

Það er búið að finna formúlu fyrir hin fullkomna háa hæl..!

Eina sem þarf að vita er skóstærð, hversu reyndur maður er á háhælatipli, hversu mikið skórinn kostar og hvað er ætlunin að verða mikið drukkin á hælunum.

Gott að vita þetta þegar maður fer næst á djammið á hælunum…

já… ég má akkúrat drekka átta bjóra áður en ég fer að fljúga á hausinn.

Þessar elskur sem ég er að vinna með eru svo tregi…

Þessar elskur sem ég er að vinna með eru svo tregir..!

Núna er nákvæmlega vika síðan ég varð rauðka.

Núna eru þónokkrir búnir að koma með sauðasvipinn…

-Ragnheiður..! hvað varstu að gera við hárið á þér?

Meira að segja var þónokkur ásökunartónn hjá einum þannig að ég fer fyrir árshátíðina og fæ mér ljósa lokka.

Svo er undirrituð búin að vera í svokölluðu ljóskuskapi núna undanfarið. Bullið sem hefur komið frá mér undanfarið hefur ekki verið í lagi svo frómt sé sagt frá.

Nýr háralitur hefur engu bætt þar við. Nema þegar maður er ljóshærður er yfirleitt sýndur mikill skilningur á bullinu í mér.

Að lokum:

Ég er ljóska í hjarta mér..!

Blondes Have More Fun, Even the Fake Ones..!

Tjellingin fór og fékk sér þó nokkuð marga bjóra m…

Tjellingin fór og fékk sér þó nokkuð marga bjóra með soldið skrítnu liði á föstudaginn.

Þegar ég vakna á laugardagsmorgninum rek ég augun í fötu..!

Danm…! ég er ekki á því að hafa verið svona slæm. Ég kom mér sjálf upp stigann… mundi eftir að plokka úr mér linsurnar og kom mér sjálf í náttfötin og í rúmið. Fötin meira að segja sett á þannig stað að reykjarstybban væri ekkert að plaga mig.

En ég verð að játa að ég var frekar þunn daginn eftir…

En það lagaðist fljótt seinnipartinn þegar mútter sem var í heimsókn þóttist af mikillri innlifun vorkenna mér sárlega. Erla perla kom svo og elduðum við með miklum tilþrifum. Sjaldan hefur verið jafn mikil dramatík í gangi í Nóatúni þegar við vorum númer 75 og bara þrír kjúklingar eftir og kúnni númer 72 keypti kjúlla og þá voru tveir eftir… en þetta hafðist og við fórum heim með síðasta kjúllann…. hjúkkett hefði sko ekki nennt að elda.

Svo ég haldi áfram að tala um mat, þá vann ein upp á skrifstofu boð fyrir tíu á Ruby Tuesday í hádeginu í dag, ég hafði einu sinni farið á þann stað og fékk virkilega vondann mat. En þetta var bara fínt.

Svo er Erla Björg búin að bjóða mér til sín í gulrótarköku í kvöld… en með þeim fyrirvara að hundarnir séu ekki búnir að komast í kræsingarnar.

Verð einnig að bæta við að kvikindi er orðið uppáhaldsorðið mitt þessa dagana.

Orðið nær yfir allt frá bóludjöfli á enninu á mér, dýrra bíla, krakka og til brjálaða kettlingsins sem bróðir minn á, og ekki má gleyma skilgreiningunni sem Pétur Jóhann Sigfússon í 70 mínútum.

Ég er gjörsamlega föst í þessum leik. Það er …

Ég er gjörsamlega föst í þessum leik.

Það er eins gott að það er búið að vera rólegt í dag… enginn til að trufla mig.

Redheads unite..! Undirrituð var orðin ferleg…

Redheads unite..!

Undirrituð var orðin ferlega þreytt á kollinum á sér í gær.

Ég var búin að spá í því að lita á mér kollinn bara með svona apótekslit því að rótin var orðin alveg ferleg og ég var ekki alveg að tíma að fara í klippingu alveg strax þar sem páskarnir eru í næsta mánuði og árshátíðin er í endaðann apríl…

en ég hætti við þar sem kvensurnar hérna voru búnar að hræða mig með horrorsögum af appelsínugulum strípum.

Þannig að í gær hringdi ég í vinkonu mína sem var sérdeilis dugleg með apótekstúpurnar á sínum tíma. Hún frussaði bara og sagði að þetta væru bara gamlar kellingabækur þannig að ég dríf mig í Lyfju og sé þennann svaða sæta lit sem heitir lys gyldenblond.

Bruna heim til Erlu perlu sem skellir honum í.

Ég fékk vægast sagt áfall þegar ég tek af mér handklæðið. Kollurinn á mér var eldrauður…!

Eftir miklar hugreystingar frá Erlu og Hrund vinkonu hennar þorði ég að fara út. Lilli bró hló svo bara að mér.

Þetta lýsist vonandi aðeins með þvotti….

þetta er erfitt líf.

Ég held að umferðarljós Reykjavíkurborgar sé í nöp…

Ég held að umferðarljós Reykjavíkurborgar sé í nöp við mig.

Var á leiðinni heim í gær soldið seint…. stoppa á rauðu á Suðurlandsbrautinni harna hjá Glæsibæ… hlusta á eitt frekar lélegt lag á Xinu og svo koma auglýsingar… og það er enn rautt. Ég fer að spá þegar auglýsingunum sé að ljúka hvort að þetta séu snertiljós eða einhvern fjandann þannig að ég mjaka mér aðeins framar… enn rautt. Hlusta á lag með Muse og það er enn rautt. Mjaka mér aðeins framar til að tékka litinn á ljósunum hinu meginn… allt rautt þar. Demmitt…! Hlusta á eitt lag í viðbót, ogvodafonelagið. Þá fer ég að svipast um hvort að það séu einhverjar hættulegar löggur á sveimi… engar löggur, og í því sem ég er að fara að telja í mig kjark, auglýsingarnar búnar og annað lag að byrja sé ég glitta í hvítan bíl, kjarkurinn hverfur og ég ákveð að halda mig réttu megin við lögin og þá kemur looooksins grænt.

Þetta er ekki eðlilegt ha…!?

En ég og Erla elduðum þennann dýrindis mat í gær og svo lágum við fyrir framan sjónvarpið og báðar á beit í alskonar gúmmilaði sem hafði ratað oní innkaupakörfurnar. En ég var að hugsa á leiðinni heim í gær á milli þess sem ég glímdi við umferðarljós að það er eins gott að ég er ekki með Skjá 1 . Ég myndi aldrei fara að sofa fyrr en um kl. 2 ..!

Ég veit ekki hvað er með mig…! Ég er farin að f…

Ég veit ekki hvað er með mig…!

Ég er farin að fíla lag með Britney Spears