dæs…. Er búin að hafa það svo gott hjá ma og pa…

dæs….

Er búin að hafa það svo gott hjá ma og pa…

dæs….

En ég fór til doktors á Þorlák þar sem doktor potaði fast í rófubeinið þrátt fyrir skipun af minni hálfu að ekki mætti koma nálægt því. Fékk uppáskrift upp á beinbrot, hrossabólgueyðandi (allavega minnir stærðin á hrossalyf..!) kleinuhring til að sitja á og já sveskjur. Við skulum ekkert fara nánar út í sveskjupartinn.

Kleinuhringurinn er ekki til þannig að ég hef bara sleppt því… þannig að ég er bara nokkuð normal að sjá sitjandi.

hemm hemm….

Rassinn á mér hefur einnig verið mitt helsta umræðuefni þessi jólin. Mín elskuleg móðir hefur einnig það miklar áhyggjur af greyinu að það var ákveðið að splæsa flugfari undir rófubeinið. Enda mun það ekki þola hristing í bíl aftur..! Bíltúr út í Bolungarvík er varla þolanlegur þessa stundina…. en waddever.. og jú ég er með þetta feita samviskubit yfir því að láta ferðafélagann fara einann suður..! En rófubeinið dansar af kæti aftur á móti..!

En bæði ég og rófubeinið verðum ekkert agalega sorgmædd ef það verður ekki flogið eða ef það er fullt í allar vélar… nei nei…

Gósk mín bauð svo í smá teiti í gær út í Vík og þegar rófubeinið var búið að drekka heila flösku af dýrindisjólarauðvíni þá treysti það sér svona fínt að fara á dansiball á Ísó.

Þetta var svona dæmigert dansiball í Sjallanum. Allir ógisslega drukknir og sveittir… og fullt fullt fullt af slagsmálum. Að vísu voru þau nokkuð fleiri í gær heldur en vanalega…. jólaskapið farið fyrir ofan garð og neðan hjá sumum…

En svona oftast nær þegar ég kíki á lífið er mottóið hjá flestum að hella í Ragnheiði, en í gær var þetta eiginlega að hella yfir Ragnheiði. En enginn er verri þó hann vökni, sérstaklega þegar lífsblóminu er vökvað svona í leiðinni allavega.

Lífið er alveg að fara að taka á sig rólegri blæ. …

Lífið er alveg að fara að taka á sig rólegri blæ.

Það er bara eitt jólaball á morgun sem þarf að massa og nokkur jólakort.

Förum svo vinirnir og vinnufélagar á laugardagskveldið á LOTR III

Svo höldum ég og rófubeinið vestur á sunnudaginn…. er að spá í að fjárfesta mér í sundhring út af tilefninu.

En passa að fela hann þegar það er stoppað einhverstaðar… finnst ég vera einum of ung til að fólk haldi að ég sé með gyllinæð dauðans..!

Í tilefni jólanna..!

Mikið ofboðslega er ég sár og svekkt. Málið er að…

Mikið ofboðslega er ég sár og svekkt.

Málið er að við vorum búin að ætla að fara á Lord of the Rings á föstudaginn með öðru fyrirtæki, og þau héldu mér volgri með loforð upp á 100 – 150 miða og svo í dag fékk ég 50 miða… einum þriðja af því sem fólk var búið að skrá sig fyrir.

Ég náði að redda 105 fokkings miðum á sýningu á laugardaginn… en var fólk þakklátt fyrir það. Nei. Aldeilis ekki. Sumir eipuðu gjörsamlega… það var svo innilega mér að kenna að við fengum bara 50 miða á föstudaginn. Ég var meira að segja farin í þvílíka vörn ef ég sá starfsmann nálgast.

En maður lærir af reynslunni og ég ætla ALDREI að fara í þann pakka að fara í eitthvert samstarf með svona drasl annars staðar…. og helvítið sem er með starfsmannafélagið í hinu fyrirtækinu er líklegast (vonandi) dauður úr hiksta, andskotans píkuhelvítisdrusla. Allavega er ég búin að hugsa nógu andskoti illa til hans í dag.

Svo er rófubeinið að drepa mig og það er varla að ég hugsi um annað heldur en rassinn á mér.

Og til að toppa daginn kemst ég ekki vestur fyrr en á sunnudaginn.

Ég ætla að fá mér smá rauðvín í kvöld, væla í mömmu og vona innilega að ég geti svo sofið meira en hálftíma samfleytt í nótt… er meira að segja lítillát og bið ekki um meira heldur en þrjá tíma… það myndi allavega redda deginum á morgun.

grenj

Mikið djöfull átti ég nú lásí helgi..! Ég hlakk…

Mikið djöfull átti ég nú lásí helgi..!

Ég hlakkaði svo til á laugardagsmorgninum þegar ég var á leiðinni út í klippinguna að ég gáði ei að mér og skúrraði niður tröppurnar heima hjá mér. Og braut á mér helvítis rófubeinið. Og einu heilu nöglina sem var eftir í þokkabót.

Þrátt fyrir þetta þá þrjóskaðist ég í klippingu. Þýðir sko ekki að sleppa svoleiðis fyrir smá aumann rass…!

Svo sit ég í stólnum hjá klippikonunni öll skökk og skæld og frekar hvít í framan. -heyrðu… ég var að spá að verða svolítið dökkhærðari en ég er núna… jafnvel sleppa alveg ljósu strípunum. Klippikonan verður þögul og íhugul í smástund… segir svo og horfir beint í augun á mér í speglinum… –nei veistu… þú ert ljóska í hjarta þínu og klappar mér svo á öxlina.

Þannig að ég og mitt rófubein höfðum það skítt um helgina… og ég og mitt rófubein langar agalega í hjúkrun til mútter.

Hafið þið eitthvern tímann heyrt um neglur sem eru…

Hafið þið eitthvern tímann heyrt um neglur sem eru sjálfeyðandi… já neglurnar mínar hafa framið sjálfsmorð hægri vinstri síðustu tvo daga. Það er ein heil eftir.

En common…! Neglur mega skemmileggjast ein í einu og með einhverju smá dagabili. En ekki bara plíng plíng and off they go..!

jáhá neglur í sjálfsmorð hugleiðingum er ábyggilega ekki hversdagsviðburður.

Svo er ég að fara í klippingu morgun…! Og það er virkilega kominn tími til. Ég er komin með rót dauðans og tjellingarnar á skrifstofunni eru farnar að spá hvort ég sé farin að safna. Þannig að ef ég hef kjark í það að lita mig dökkhærða yrði það ekki mikil breyting frá núverandi ástandi. Rótin er orðin allsráðandi og helvítis músabrúngrái liturinn sem er svo ossssa sjarmerand og sesssý. (berið þetta fram smámælt…. hnej hnej)

Svo er vika á morgun þar til ég fer vestur í jólafrí. ummmmmmmm níu yndislegir dagar sem ég hef að hlakka til…..

Muse voru snilld. Veisla fyrir augu og eyru. E…

Muse voru snilld.

Veisla fyrir augu og eyru.

En þegar ég fer á svona samkomur finnst mér ossa gaman að skoða týpur… eins og ein í gallabuxum sem vantaði á annað rasstykkið, svo var hún í netasokkabuxum og “bera” rasskinnin stóð laaangt út í loftið… ekki sexxxý. En það er allavega aðhald að þessum gallabuxum greinilega. Einnig var ein þarna sem dansaði svo hroðalega að maður fór bara hjá sér. Ekki einu sinni svona “ég fíla tónlistina í botn og mér er alveg sama um hvað öðrum finnst” Nei bara hræðilegt. Í karladeildinni skáru sig úr einn sem var búin að sanka að sér vægast sagt furðulegu skeggi, það óx (get ekki orðað það betur) eins og horn sitthvorumeginn við barkakýlið á honum. Hinn var eins og hann hafði stigið út úr tímavél frá 1964… úff….

En helst í fréttum í dag er hversu ógurlega fúl og pirruð ég er, efast meira að segja að þó Magni í Á Móti Sól myndi mæta hérna fyrir framan mig með gítarinn að honum tækist að draga fram bros… svona ekta sko… ekki þetta sem er sparað fyrir kúnnana á vondum degi.

Einnig er ég að verða græn af svona tilsvörum

-ööööhhh gæti ég fengið samband við varahlutina eða eikkva?

-já ég var að spá hvort,… ööö er hægt að tala við einhvern eða eikkva?

Hvaða helvítis eikkva á þetta að þýða. Kúnnahópurinn hérna er í öllum tilfellum yfir sautján ára og þá á fólk með smá vit í kollinum að kunna að tala. Og hvað á það að þýða að biðja bara um einhvern..! Er fólk svona ósjálfstætt að það þarf að draga upp úr þeim að því vanti t.d. miðviðunarverð á bíl. Fólk með smá vit hringir ekki eitthvert og biður um “einhvern”

Mér er skapi næst að forrita einn símann hérna sem svaraði svona “Þú ert kominn í samband við eikkva, þú ert fífl. Gjörið svo vel og reynið síðar.”

fnæs

Neglurnar mínar eru farnar að hrynja…. það brotn…

Neglurnar mínar eru farnar að hrynja…. það brotnaði ein í gær og svo fór önnur áðan við saklaust pikk á lyklaborðið…

þannig að núna er ég að berjast við mikla naglöngun… mig langar óóógeeeðsleegaaa mikið til að bíta þær allar af … kjamsa aðeins á þeim og spýta þeim svo eitthvert útí buskann.

Guð hvað mig langar rosalega..!

Oki… Skoðið lúkurnar á þessarri… Eru þær e…

Oki…

Skoðið lúkurnar á þessarri…

Eru þær ekki eitthvað skrítnar eða er þetta bara ég?

Ógeðið sem sendi mér þennann link í póstinum á ski…

Ógeðið sem sendi mér þennann link í póstinum á skilið að deyja… kvalarfullt…!

Ég og hitablásarinn elduðum grátt silfur saman í d…

Ég og hitablásarinn elduðum grátt silfur saman í dag.

Ég endaði á því að hóta skrúfjárni… hann hikstaði í gang en dó svo aftur… þannig að ég varð að standa við hótunina.

Þannig að ég reddaði mér skrúfjárni og tók gripinn í sundur… það var kannski ekkert skrítið að greyið skildi vera farinn að slappast… hann var stútfullur af ryki og hárum og ógeði… en núna er blásarinn hreinn og fínn og virkar bara fínt..!

En þið getið ekki trúað því hvað það var erfitt samt að fá að klára þetta…. Ef það gekk eitthvað framhjá með typpi þá vildi það fá að skipta sér af. Þetta var ekkert fyrir mig að standa í svona, ég gæti brotið nögl, eða átti ekki bara að kaupa nýjann fyrst að þessi var orðinn svona og bladeblí bladeblí bladeblí bla……..

Þess vegna hef ég ákveðið að lita mig dökkhærða.

Aldrei að vita nema að ég losni við þennann ljóskustimpil sem ég hef greinilega hérna og aldrei að vita nema að gullfiskaminnið fari hnikandi og kannski komi eitthvað vit inn í kollinn á mér.